خاص الكتابة
لا يوجد أصعب من إجراء حوار مع حسن عبد الموجود، إلا إجراء حوار مع ابنته صوفي حسن، ولأن الحقيقة الكاملة يملكها الأطفال، استطاع “موقع الكتابة” الانفراد بهذا الحوار الحصري مع صوفي، التي أصرت على الإجابة على أسئلتنا كتابة “كل الكتاب الكبار بيعملوا كده”..
ولأنه لا يمكن أن تجلس ساعة كاملة مع حسن، دون أن تأتي سيرة صوفي، أو يقوم حسن بمهاتفتها، أو رواية آخر نوادرها، أو نكاتها التي تلقيها عليه، لذا في هذا الحوار تستطيع أن تتعرف أكثر على حسن بعيني صوفي.
1-بتحبي بابا؟
آه.. J
2- قد إيه؟
10000000% J
3-إيه أكتر حاجة بتحبيها في بابا؟
لما أقوله علي حاجة يعملهالي J
4- بتحسي إنه بيخاف عليكي قد إيه؟
1000% J
5- إيه أكتر حاجه عملها وانتي صغيرة وفاكراها لغاية دلوقتي؟
ان مرة اشترالي عصير وراح قعدني على السور واتفرجنا علي غروب الشمس J
6- إيه أكتر حاجة بابا عملها وضحكتك؟
ان مرة اشترالي قطة ما بتسمعش وعينيها واحدة لون بني وواحدة لون ازرق هههههههههههههه 😀
7- بابا بيحكيلك قصص قبل النوم؟
آه قصص الحوت و القرش وقصص حمزة في بلاد العجائب والحزام الطائر 😀
8- بتزعلي من بابا أحياناً؟
ساعات كدة وساعات كدة عشان بيكلمني كتير L
9-نفسك في إيه دلوقتي؟
لاب توب L
10- بتحبي صورك وإنتي صغيرة مع بابا؟
آه J
11-بتحسي بإيه وإنتي مع بابا؟
سعادة J
12-إوصفي بابا؟
كسلان وطيب ونظيفJ
13- بابا هو اللى سماكى صوفى؟
لأ ماما اللى سمتنى صوفى وبابا كان عايز يسمينى ليلى وجدو كان عايز يسمينى فريدة.. والحمد لله ان أنا اسمى صوفى J D:
14- بابا قالك ان جدو كان هايسميه أيمن؟!
آآآآ.. هههههههههههه D:
15- وكنت هاتعملى إيه لو كان اسمه أيمن.. يعنى اسمك صوفى أيمن؟!
كنت هقول يا نهار اسود.. بابا اسمه إيه؟!!!.. يا نهار ازرق.. D:
16- كنت زمان بتصدقى إن بابا اشترى صوفى من “ألفا ماركت”؟!
آه J ههههههههههههههههههه
17- هل بتعجبك مكتبته؟ حاولتى تقرى كتب منها؟ هوّ بيقولك: ياللا نقرا؟
آه J آه J آه J
18- إيه أكتر حاجة بتضايقك من أصحابه؟
كلامهم السخيف.. زى لما واحد يقول إيه الشياكة دى والجمال ده والكلام الفاضى بتاعهم L
19- مين أكتر واحد بتحبيه من أصحاب بابا.. وليه؟!
أسامة (أسامة فاروق) بتاع السمك، لأنه دمو خفيف مش غلس وبيهزر هزار حلو J
20- قريتى كتب بابا؟
لا L
21- طب ليه؟
أصل هى طويلة من أول 1 لحد 200 JD:
22- طب ونفسك تبقى إيه لما تكبرى؟!
رسامة وممثلة ومغنية.
23 ـ لو طلبت منك ترسمي رسمه هترسمي إيه؟
صورة زنكوغرافية من حوار صوفي حسن
صوفي في محاولة شبه ناجحة لتقليد حسن
