ربع مشكّل

عن إن دي أول مرة

يدخل فيها

محل كبابجي

ودي أول مرة

هياكل فيها

كباب وكفتة

كل القاعدين

بصوا له بدهشة

وهو عمال يحكي لها

بصوت عالي

عن عبده لمونة بتاع الفول

وانه كان قاطع عنده ابونيه

كل يوم ..

يفطر من على عربيته

ويتغدى من عند ..

البت عزيزة بتاعة الطعمية

الواقفة على ناصية قلبه

وبياخد ع القرطاس

بوسة هدية

بعد ماخلص حكاويه

رجعت روحه لمكانها

اتلفت ..

لقى كل القاعدين

بيبصوا عليه

فجأة جت عينه

على الترابيزة

لقى طبق الربع مشكّل

مفيهوش غير الجرجير

والقطة واقفة ..

على الترابيزة

بتضحك له ..

ضحكة سخرية

ــــــــــــــــــــــــ

*شاعر مصري

خاص الكتابة