متشرد
في أوضتي
مالحقتش حتى
أداري مشاعري
فرميت المفاتيح
وعملت نفسي
كأني واحد من الداخلين
كده أرحم بكتير
على الأقل
هاقسم معاهم
اللي هايسرقوه منّي
واحنا
بنضحك قوي
على صاحب البيت
ــــــــــــــــــــــــــــــــــ
فوتوغرافيا الكاتب الراحل: هاني درويش
حل مناسب
فيسبوك
تويتر
واتس أب
تيليجرام
محمد خير
لا مش تهيؤات
البيت
بيوسع بجد
السقف بيـعلا
والشبابيك بتوطّي
تجيبلي الناس م الشارع
فجأة بقيت ساكن في ميدان
محمد خير
شاعر و قاص من مصر
صدر له:
إفلات الأصابع ـ رواية ـ الكتب خان 2018
"العادات السيئة للماضي" ـ شعر ـ الكتب خان 2015
"سماء أقرب" - رواية - دار ميريت 2013
"هدايا الوحدة " شعر - دار ميريت 2010
"عفاريت الراديو " قصص قصيرة - دار ملامح 2008
" بارانويا " أشعار بالعامية - دار ميريت ـ
" ليل خارجي " أشعار بالعامية - دار ميريت 2002
تصفح مقالات الكاتب
