أهوى الحياة

موقع الكتابة الثقافي
Share on facebook
فيسبوك
Share on twitter
تويتر
Share on whatsapp
واتس أب
Share on telegram
تيليجرام

أنا مش فنجان قهوة

ولا ساعة شهوة

ولا جاى وهامشى كده على سهوة

أنا أهوى الحياة

أهوى

الحرية، الأمل

وكل شىء بالنسبة لى ممكن

مُحتمَل

ومش مُهم يكتمل

أهوى البحر .. الغابة .. المطر

وجموح الفرس

أهوى وشوش الناس

والشوارع

أســــهر والـــقــمر طـــالع

أو مـش طـــالع

أهوى قلبى يكون على راحته

جنونه، فنونه

صراحته

ألاعيبه، سذاجته

فصاحته

أهوى الحياة بدون فواصل

بدون خريطة

أهواها مُدهشة

بسيطة

مفتوحة لكل البشر

تساع كل البشر

تِوَصَّل لكل البشر

أتمشّى

أناف الحياةباتمشّى

وأنام الحياةلاأملك

غيرليل.. وشجن.. ورصيف

أبَعْتَر ف الكون على راحتى

فوضى لذيذة

بطعمى ولونى وريحتى

وأتمشّى

أتفرّج عالوشوش

والبيوت

والحاجات

وحوش الحزن تتحوّل أغنيات

كل الشوارع ف حضنى تِبات

يارصيف الحياة بتكونلى.. واكونلك

أتمشّى

والعالم زى ّالريشةخفيف

يلاعبنى والاعبه

يداعبنى واداعبه

قلبه ف قلبى

قلبى ف قلبه

وتمرح روحى

تِرمَح

وافرح

لأنى م الحياةلاأملك

غيرليل..

وشجن..

ورصيف..

وأتمشّى

الأمل

اليأس.. أربط على قلبه حزام ناسف

وارميه من فوق الجبل

الأمل.. أربطه على قلبك لوعارف

أحـــــضنه بمحبة وقُبَل

ده اليأس زى طلوع الروح

والأمل زى طلوع الشمس

مقالات من نفس القسم

تراب الحكايات
موقع الكتابة

أرق

تراب الحكايات
موقع الكتابة

بلكونات

تراب الحكايات
موقع الكتابة

المصير